Victoria Wild aftur ársins síðu 9 genta

Deil á Facebook

Saturday 4. February 2012 - 20:26

Føroyska sprundið hevur annað árið á rað sligið donsku dullurnar, í dystinum um at gerast ársins síðu 9 genta hjá Ekstra Blaðnum. Victoria heldur, at orsøkin til heiðurin er, at føroyskar gentur eru so natúrligar.

Aftur í ár er 28 ára gamla Victoria Wild kosin sum flottasta síðu 9 gentan hjá Ekstra Blaðnum.

Við Ekstra Blaðið sigur Victoria, at hon framvegis er ógvuliga skelkað um heiðurin, og at hon als ikki hevði væntað at vunnið tvey ár á rað.

Ekstra Blaðið spurdi Victoriu, hví føroyskar gentur altíð vinna okkurt í Danmark. Journalisturin hjá Ekstra Blaðnum vísti á, at føroyingar vinna fleiri talentkappingar, og nú eru tann vakrasta kvinnan í Kongaríkinum eisini føroysk.

-Eg haldi tað snýr seg um, at føroyskar kvinnur eru ógvuliga natúrligar, sigur Victoria Wild.

Meira kann lesast um heiðurin hjá Victoriu Wild á heimasíðuni hjá Ekstra Blaðnum.