Eirikur Lindenskov
.(JavaScript must be enabled to view this email address)
Nú kanst tú tilnevna Ársins Íverkseta. Tað er í samband við Ársins Íverksetaradag, at Íverksetarahúsið lýsir eftir uppskotum til Ársins Íverkseta.
Ársins Íverksetaradagur er eitt afturvendandi tiltak, sum Íverksetarahúsið skipar fyri, og í ár verður dagurin hildin í fabrikkini hjá Østrøm fríggjadagin 22. mars.
Øll kunnu tilnevna Ársins Íverkseta, men ein dómsnevnd tekur endaliga støðu til, hvør skal fáa heiðurin. Dentur verður lagdur á, at vinnarin:
- hevur víst nýhugsan, árræði og dirvi
- hevur víst góð fíggjarlig úrslit
- hevur givið øðrum íverksetum íblástur
Ársins Íverkseti í fjør gjørdist Ólavur Ellefsen, ið eigur og rekur fyritøkuna Simprentis.
Íverksetarahúsið sær fram til at fáa fleiri tilnevningar við góðum grundgevingum. Uppskot skulu sendast til Íverksetarahúsið á is@is.fo.
Freistin at tilnevna er til og við mikudagin 13. mars.
Næsta grein: Annika Hoydal á Summarfestival
Føroya fysta fyritøka sum veitir hjálp til jarðarferðir.
Reinsa bilar, bátur, maskinur, turbinur, elmotorar og bygningar við turrísi og turdampi. Ring á tlf. 233050
Brotflísar - Betongflísar Náttúragrót - Innanduraflísar Glasbyggisteinar og Gasbetong. Les meira her!
